Një skenë e ngjashme për filma horror. Tri femra, origjina e të cilave ende nuk dihet janë gjetur të vdekura në Greqi, pak metra larg lumit Evros në kufi me Turqinë.
Siç raportojnë mediat helene ato janë të moshës 15-30 vjeç, duke hedhur edhe dyshime se mund të jenë nëna dhe dy vajzat e saj.Ato kishin plagë në trup, dy prej tyre ishin të lidhura me njëra tjetrën, ndërsa tjetra ndodhej disa metra larg.
Pranë tyre është gjetur edhe një thikë, e cila zakonisht përdoret nga gjuetarët. Arma e ftohtë është dërguar në laboratorët mjeko-ligjorë, për të zbuluar gjurmët e gishtave. Ndërsa fakti që njëra prej tyre nuk ishte e lidhur përbën një tjetër mister, shkruan Protothema.
Një nga pistat kryesore të hetimit është ajo e përdhunimit dhe më pas vrasjes. Trupat e tri femrave janë gjetur 50 metra larg kufirit, një vend që përdoret për kalimin e emigrantëve të paligjshme. Kjo i bën oficerët e policisë të dyshojnë se mund të bëhet fjalë për gra emigrante që donin të kalonin ilegalisht nga Turqia në Greqi, ndoshta për të kërkuar azil.
ma.me
