Një seri sulmesh që kanë pasur për objektiv një sinagogë, dy kisha dhe një postobllok policie, kanë tronditur mbrëmjen e sotme Dagestanin.
Sulmet kanë ndodhur në Kaukazin verior, në provincën që bën pjesë në territorin e Rusisë. Deri më tani raportohet për 9 viktima, ku 6 prej tyre janë oficerë policie dhe 1 tjetër është prift ortodoks. Po ashtu të plagosur gjatë sulmeve kanë mbetur 12 policë.
“Në total, në qytetet Makhachkala dhe Derbent gjashtë oficerë të zbatimit të ligjit u vranë dhe 12 u plagosën”, tha kreu i shërbimit për shtyp të Ministrisë së Punëve të Brendshme ruse, Gayana Garieva.
Në pamjet që po bëjnë xhiron e rrjetit, dëgjohen krisma armësh në rrugët e Dagestanit, ndaj besohet se ka pasur shkëmbim zjarri midis autorëve të sulmeve dhe policisë lokale.
Oficerët e policisë u sulmuan gjithashtu në Makhachkala, kryeqyteti i Dagestanit dhe qyteti më i madh i rajonit. Të dyshuarit janë larguar me një veturë Volkswagen Polo të bardhë, ka thënë policia, duke shtuar se aktualisht janë në kërkim të mjetit.
A video of the assailants has been published earlier.
They smoked a few Russian security forces pic.twitter.com/u6ztFnqtpZ
— PS01 (@PStyle0ne1) June 23, 2024
Një video e incidentit supozohet se i përket momentit të sulmit dhe tregon të paktën tre burra të veshur me të zeza që qëllojnë mbi makina në mes të një rruge.
“Sulmuesit në Derbent thuhet se hynë në kishën ortodokse dhe vranë një prift lokal duke i prerë fytin”, tha Shamil Khadulaev, kreu i komitetit rajonal të mbikëqyrjes publike që monitoron respektimin e të drejtave të njeriut në burgje.
Ndërkohë, raportohet se sinagogës iu vu zjarri. Po ashtu ka godina në flakë, helikopterë që fluturojnë rreth qytetit dhe kaos total. Dyshohet se autorët janë militantë të armatosur të lidhur me ISIS dhe sipas burimeve lokale, të paktën dy terroristë janë vrarë gjatë arratisjes pasi mbajtën peng rreth 40 persona.
Në të gjithë Republikën Kaukaziane, Komiteti Kombëtar Kombëtar i Antiterrorizmit ka vendosur për një mobilizim të jashtëzakonshëm të agjencive të zbatimit të ligjit të specializuara në veprimet kundër terrorizmit.
“Për të garantuar sigurinë e njerëzve, për të parandaluar krimet terroriste dhe për të bllokuar njerëzit e përfshirë në sulme të armatosura kreu i drejtorisë së Shërbimit Federal të Sigurisë Ruse (FSB) për Dagestanin ka vendosur të vendosë operacione anti-terroriste“.
#Russia ????????: Armed militants (very likely affiliated with #ISIS / #ISKP) carried out multiple attacks and set a church and a synagogue on fire in #Derbent and #Makhachkala in #Dagestan.
Additionally militants carried out shooting attacks with multiple rifles as well. pic.twitter.com/IrrrQYf3bE
— War Noir (@war_noir) June 23, 2024
Një burim pranë policisë lokale tha për agjencinë Tass se autorët e këtyre sulmeve janë anëtarë të një organizate terroriste ndërkombëtare.
28 tetorin e kaluar, kjo Republikë me shumicë myslimane ishte skena e një akti të hapur antisemitik, teksa në aeroportin e kryeqytetit, Makhatchakala, dhjetëra njerëz sulmuan pistën dhe terminalin duke bërtitur “Allah u Akbar” pasi u njoftua se një aeroplan nga Izraeli po mbërrinte.
Në atë kohë, Moska akuzoi qeverinë e Kievit se kishte “një rol kyç” në atë veprim. Zëdhënësja e Ministrisë së Jashtme të Moskës, Maria Zakharova tha se qëllimi i Ukrainës ishte të “destabilizonte Rusinë” duke provokuar ndarje etno-fetare.
/a,.r
