Gjykata e Tiranës pritet të marrë masën e sigurisë ndaj të pandehurit Iljaz Fisheku, administrator i një firme karburantesh, i cili akuzohet për “fshehje të ardhurash” dhe “evazion fiskal”.
Prokuroria ka kërkuar “arrest shtëpie” me mbikëqyrje elektronike në pretencën e saj, teksa në gjykim do të jenë edhe 7 inspektorë, të cilët akuzohen për “shpërdorim detyre”.
Shtetasi Iljaz Fisheku dhe 7 inspektorë të tjerë janë arrestuar të premten në mbrëmje, pas një hetimi që ka zgjatur një vit dhe është kryer nga Drejtoria e Hetimit Tatimor të Tiranës, në bashkëpunim me njësinë “Task Forcë” të Prokurorisë së Tiranës.
