Ministria e Arsimit dhe Sporteve ka reaguar sot sa i përket një video të publikuar në Facebook. Bëhet fjalë për një rast ku mësuesja Nevila Duraj ka rrahur një nxënës. Pretendimet e nxënësit lidhen me faktin se ai është dhunuar pasi nuk kishte bërë detyrat, ndërsa Duraj ka thënë se shkak është bërë zhurma e nxënësit në klasë.
Lidhur më rastin në fjalë, Ministria e Arsimit dhe Sportit sqaron se menjëherë pas marrjes së këtij informacioni ka nisur grupin e inspektimit për verifikimin e ngjarjes që shfaqet në video.
“Pas verifikimit, rezulton se mësuesja e shfaqur në këto plane filmike, është znj. Nevila Duraj, mësuese prej 18 vitesh në profilin gjuhë-letërsi. Ngjarja ka ndodhur rreth një viti më parë, gjatë orës së gjuhës në klasën e VII-të të shkollës 9 vjeçare “Gjon Doci”, në Bashkinë e Vaut të Dejë” – thuhet në deklaratë.
Ministira e Arsimit dhe Sportit, duke dënuar këtë akt, ka ftuar të gjithë nxënësit, mësuesit, prindërit dhe çdo qytetar në vend, të mos hezitojnë të denocojnë çdo lloj akti dhune.
