Ministria e Arsimit dhe Sportit ka publikuar listën me 480 diploma të njehsuara, ndërkohë qe u ka bërë thirrje të rinjëve për terheqjen e diplomave, që tashmë njihen nga të gjitha institucionet shqiptare.
Gjithashtu, MAS bën me dije se janë me qindra aplikime të tjera, të cilat po shqyrtohen nga Komsioni i Njohjes së Diplomave. Udhëzimi i Ministrisë së Arsimit përcakton edhe mënyrën se si bëhet vlerësimi i dosjes së aplikantit, e cila më pas kalon para një komsioni qe përcakton nëse njihet ose jo diploma.
“Vlerësimi i nivelit, profilit dhe drejtimit që përfshin një diplomë apo çertifikatë e caktuar, kryhet nga Komisioni i Njohjes kur është pjesë e kuadrit të një marrëveshjeje ndërshtetërore, kur një diplomë është lëshuar nga një institucion i akredituar në një nga vendet e listuara në aneksin bashkëngjitur këtij Udhëzimi, kur për të njëjtin program studimi apo titull diplome lëshuar në të njëjtin shtet, një Komision i mëparshëm i MAS-it ka marrë një vendim njohje”, thuhet në udhëzuesin e MAS.
Në lidhje me dosjen e aplikimit, ajo duhet të përmbajë dokumentet si, formatin e aplikimit të plotësuar, diplomën ose certifikatën/vërtetimin e diplomimit, listën e notave ose suplementin e diplomës, dokument zyrtar identiteti etj./a.m.
