Martoi shqiptarin me italiane për t’i dërguar në Siri, ekstradohet lushnjari
Dy shqiptarë të dënuar ekstradohen në Itali. Zyra Qendrore Interpol Tirana ekstradoi nga Shqipëria drejt Italisë shtetasin Baki Çoku, 40 vjeç, lindur në Lushnje dhe Erdiol Çelaj, 27 vjeç, lindur në Elbasan.
Ndaj Baki Çokut, Gjyakat e Milanos, më datë 29 qershor 2015, ka caktuar masën e sigurisë “Arrest në burg”, për veprën penale “Veprimtari kriminale me qëllime terroriste”. Në kuadër të një hetimi të gjerë të kryer nga autoritetet italiane, ka rezultuar se me datë 17 qershor 2014, Baki Çoku ka organizuar martesën e një shtetase italiane me një shtetas shqiptar me qëllim vajtjen në Siri dhe pjesëmarrjen në konfliktin e armatosur.
I dënuari tjetër është Erdiol Çelaj, 27 vjeç, lindur në Elbasan. Gjyakat e Genovas, më datë 9 maj 2014, ka caktuar ndaj tij masën e sigurisë “Arrest në burg”, për veprën penale “Trafikim i lëndëve narkotike”.
Interpol Tirana, në bashkëpunim me Interpolin e Romës në Itali bëri të mundur prangosjen e tyre në Elbasan dhe në Lushnjë me qëllim ekstradimi drejt Italisë.
