Rudina Hajdari, vajza e ish-liderit të Dhjetorit Azem Hajdari ka kurorëzuar martesën e saj në një ceremoni elegante mes njerëzve dhe miqëve më të afërt.
Vajza e vetme e Azem Hajdarit është martuar me Muçjon Demiraj në një nga hotelet luksoze të Nju Jorkut ku prej disa vitesh jeton dhe punon.
Rudina është shtatzënë dhe shumë shpejt pret të bëhet nënë.
Të pranishëm në këtë ceremoni kanë qenë,e ëma, Fatmira, vëllai i madh, Kiri dhe i vogli, Azemi, i cili ka lindur vetëm pak muaj pasi i ati i tij ndërroi jetë gjatë një atentati në hyrje të selisë së Partisë Demokratike në vitin 1998.
Por cila ka qenë rruga e Rudinës pas humbjes së të atit? Ajo ishte vetëm 11 vjeç kur babai i saj u nda nga jeta. Ajo është e tërhequr dhe e kujdesshme në daljet publike. Pas përfundimit të shkollës 8-vjeçare në një kolegj në Tiranë, tre vite pasi kishte humbur babanë, Rudina niset për në Amerikë, atje përfundon shkollën e mesme dhe më pas studimet e larta për “Shkenca Politike”.
Pas përfundimit të këtij cikli studimesh, u kthye në Tiranë ku për dy vite punoi në Ministrinë e Jashtme. Më pas u shkëput sërish, për të vazhduar një cikël tjetër studimesh për Marrëdhënie Ndërkombëtare në Amerikë. Sot ajo është e punësuar në Kongresin Amerikan, në marrëdhënie me jashtë me kongresmenin Eliot Engel.
