Kryetari i LSI Petrit Vasili deklaroi pak minuta më parë se marrëveshja tashmë qartazi ka prodhuar një garë reale mes LSI, PD dhe PS. Nisur nga kjo Vasili u shpreh se në këtë garë reale LSI ka objektivin e saj që të dalë forca e parë, gjë që do të sillte edhe një konstruktivitet më të madh politik në vend, por edhe zhvillim të shpejtë ekonomik. Sa i përket koalicioneve, Vasili u shpreh se ato do të bëhen pas zgjedhjeve.
“Kemi një marrëveshje politike që ka mundësuar një garë reale. Kemi garë të barabartë mes 3 forcave kryesore politike. Do jemi forcë e parë sepse jemi me integritet, transparente dhe gjithëpërfshirëse. Rreziku i pasigurisë u evitua. U është mohuar e drejta e përfaqësimit në koalicione disa partive. Kjo nuk e cënon LSI. Pozicionimi i LSI në vendin e parë do të ndihmojë Shqipërinë për një politik konstruktive në vend dhe zhvillim të shpejtë ekonomik”, u shpreh Vasili.
javanews.al/ ma.me
