I ftuar në studion e “Fax News” ish-deputeti Azgan Haklaj foli mbi marrëveshjen që u nënshkrua sot mes Berishës dhe Metës. Haklaj tha se kjo marrëveshje është mekanike dhe nuk po bëhet për të zgjidhur hallet e popullit por për mbijetesë politike.
Ai shtoi ndër të tjera se Berisha nuk është kryetari i PD-së zyrtare por i foltores dhe se drejt zgjedhjeve vendore po shkon me siglën e Partisë së Lirisë.
“Berisha ka ngjizur foltoren me PL-në e zotit Meta, partitë e djathta do u bashkohen për shkak të interesave të tyre. Ata nuk kanë hallin e demokracisë por mbijetesës politike, është bashkim formal, mekanik. Berisha dështoi me dhunë për të pushtuar me 8 janar selinë blu dhe pastaj përdori Zhukrin, selia është e pushtuar. Berisha nuk është kryetari i PD-së por i foltores, sepse në Gjykatë kryetari i PD-së është Lulzim Basha, i komanduar është zoti Alibeaj.
Berisha do kandidojë me siglën e partisë së Lirisë, shihni marrëdhënien e tyre ndër vite, dashuri dhe urrejtje. Po shohim që në vend të diktaturës është ndërtuar neodiktatura, përmes Metës dhe Berishës. Trupa e demokratëve të Shqipërisë nuk bashkohet me Primaret, këta nuk kanë hallin e popullit. Tani Berisha as forumet e foltores nuk i respektoi, caktoi Palokën në takim me Bardhin. Nuk e kemi ne luksin për të organizuar Primaret, ato bëhen nga partitë e mëdha në botë, të hapura, me lista publike të anëtarëve, me kandidatë të verifikueshëm.
Anëtari ndryshon me simpatizantin, si mund të nxirret një kandidat ashtu? Kjo marrëveshje mes Metës dhe Berishës nuk është e dëshiruar nga anglosanksonët. Bashkimin nuk e bën baza e foltores por PD-ja zyrtare”-u shpreh Haklaj./m.j
