Kryetari i Partisë Demokratike, Lulzim Basha ka komentuar marrëveshjen që kryeministri Edi Rama firmosi me kryeministren e Italisë për një qendër pritje të emigrantëve në Shëngjin.
Basha kërkoi që Rama duhet të bejë urgjentisht transparencë për marrëveshjen e firmosur për emigrantët.
“Problemi është që shqiptarët po i përzë dhe po sjell emigrant të paligjshëm nga Afrika, kjo është e papranueshme. Detyra e parë është të vij të bëjë transparencën se kush i ka dhënë mandat të negociojë, me cilindo vend.
Me çfarë kushtesh? Parimi i parë i qeverisjes është transparenca. Përmes transparencës mund të garantojmë që marrëveshje të tilla nuk bien ndesh me interesin e shqiptarëve, nuk shkelin, nuk shkelmojnë mbi interesin publik për intereat personale të një politikani në hall, kushdo qoftë ky edhe kryeministri.
Këto janë kufijtë, kjo është korniza e një qeverisjeje të përgjegjshme. Dhe vendi ka nevojë urgjentepër një qeverisje të përgjegjshme. Sapo të kthehet, do të përballet me interpelancë në Kuvend. Kemi çuar kërkesën, të vij të japë llogari ç’është kjo marrëveshje.
As nuk u diskutua, as nuk u shtrua për një debat publik. Si mundet që një vendi ku po I largohet rinia, që po i largohet ai korpus njerëzish që janë profesionistët e këtij vendi, po largohen për shkak të keqqeverisjes, përzë shqiptarët dhe hap kufirin për emigrantët e paligjshëm! Është e papranueshme”, u shpreh Basha.
/f.s
Ky eshte sharlatan i pacipe, qe nuk ka piken e turpit! Per te teresia teritoriale e vendit nuk eshte interes kombetare, perndryshe nuk do te firmoste aktin e tradhetise me Marreveshjen e Detit me Greqine. Cfare ka nenshkruar Rama ne Itali duhet te jete ligjore e transparente, por Lul Rubla duhet te jete nje nder ata qe nuk duhet te flase.