Pas mbledhjes së përbashkët të qeverive të Maqedonisë dhe Shqipërisë, dy kryeministrat Edi Rama dhe Zoran Zaev dolën në një konferencë të përbashkët për mediat. Shefi i qeverisë Rama, theksoi para gazetarëve rëndësinë e çuarjes përpara të Marrëveshjes së Ohrit, zbatimin e së cilës ai e cilësoi si gur themeli për të ardhmen e Maqedonisë.
Po ashtu, Rama u ndal edhe tek zotimi i kryeministrit Zaev për miratimin e ligjit të gjuhës shqipe. Mes pikave të diskutuara në mbledhjen e përbashkët është edhe ajo e krijimit të pikave të përbashkëta doganore.
“Presim me padurim që ligji të kalojë dhe zbatimi i ligjit të nisë një roë e më parë sepse është një tjetër forcim i konsolidueshëm i Maqedonisë të së ardhmes”, deklaroi Rama./a.m.
