16 emigrantët e parë nga Egjipti dhe Banglandeshi pritet të mbërrijnë të mërkurën në kampin e Gjadrit në Shëngjin. Media Italiane Ansa.it shkruan se ndonëse ata ishin nisur për në Itali, këta refugjatë do të jenë të parët që do nisin jetesën e tyre në kampin për të cilin kryeministri Rama dhe kryeministja Italiane giorgia Meloni kanë nënshkruarnjë nga marrëveshjet më të komentuara mes dy vendeve.
E gjithë procedura, duke filluar nga aplikimi për azil, duhet të përfundojë brenda 4 javësh: ata që kanë të drejtë do të transferohen në Itali, ata që nuk janë do të riatdhesohen pas qëndrimit në CPR. Koha e apelimeve – parashikohen lidhje video me gjykatën e Romës për t’i shqyrtuar – janë përgjysmuar në 7 ditë me dekretin e fluksit të sapo miratuar. 16 emigrantët e parë po udhëtojnë me anijen e patrullimit në det të Marinës – 80 metra e gjatë, me një ekuipazh prej rreth shtatëdhjetë ushtarësh – të destinuar për të kaluar në mes të zonës detare në jug të Lampedusa dhe Shenjin.
Opozita italiane duket se ka ngritur shqetësime e saj lidhur me këtë çështje.
“Një miliard para publike të shpërdoruara në shpërfillje të të drejtave”. Pas hapjes së qendrave javën e kaluar (5 muaj më vonë se parashikimi fillestar), nis kumari i qeverisë, si rezultat i marrëveshjes së nënshkruar nga kryeministrat e dy vendeve, Giorgia Meloni dhe Edi Rama: për të menaxhuar kërkesat për azil të emigrantëve, të cilët kanë më shumë gjasa të riatdhesohen, në mënyrë që të kenë një efekt parandalues në udhëtim”, ky është qëndrimi i opozitës në Itali.
Gjithashtu kreu i qeverisë shqiptare vetëm një ditë më parë dha një intervistë për La Repubblica lidhur me këtë çështje. Ai tha se ndërtimi dhe menaxhimi i qendrave të emigrantëve në të dyja strukturat e ngritura nuk kanë lidhje me qeverinë shqiptare. Po ashtu, ai shprehet se asnjë emigrant nuk do mund të largohet nga këto struktura.
“Angazhimi për kohezionin social, mikpritjen, përparimin, integrimin, marrjen e qytetarisë, është një aktivitet i përhershëm”. Kështu tha presidenti i Republikës, Sergio Mattarella, duke folur nga Milano.
“Sot emigrantët janë të ndryshëm, siç ilustroi presidenti Duilio. “Shikime të reja, zëra të tjerë”, i quajtët ju. Ata nuk vijnë më nga Italia e Jugut, por nga më larg, nga vendet evropiane si Ukraina, të sulmuara nga një luftë e pakuptimtë. Nga Ballkani, të rënduar edhe nga kushtet e paqëndrueshme, të tjerë janë aktorë të një vepre të çmuar që tenton të realizojë objektivat e solidaritetit që Karta Kushtetuese ka vendosur në bazë të bashkëjetesës sonë. Kështu tha Presidenti i Republikës, Sergio Mattarella, duke folur në Milano në një aktivitet të “Qendrës së Orientimit të Imigrantëve – Fondacioni Franko Verga”.
