Marrëdhëniet midis Kubës dhe SHBA-së po shënojnë hapa pas që prej marrjes së drejtimit të Shtëpisë së Bardhë nga Donald Trump, deklaroi presidenti kuban, Miguel Diaz-Canel, në një intervistë për televizionin ‘’Telesur’’.
”Aktualisht marrëdhëniet nuk janë në nivelin më të mirë. Vijojmë të mbajmë kanale të dialogut dhe qëndrimi ynë është të mos hedhim poshtë për asnjë moment mundësitë e dialogut, por kjo duhet të bëhet midis të barabartëve, duhet të na respektojnë dhe jo të na kushtëzojnë sovranitetin tonë”, deklaroi ai.
Kuba dhe SHBA-ja rivendosën marrëdhëniet e tyre në korrik të vitit 2015 pas më shumë se 50 vite ndërprerje, por Kongresi amerikan mbajti në fuqi embargon ekonomike që prej vitit 1962, kundër vullnetit të presidentit të atëhershëm, Barack Obama.
Ardhja në pushtet e Donald Trump shënoi më pas një tjetër ftohje të marrëdhënieve, me rivendosjen e sanksioneve në nëntor të vitit 2017 që u pasua me një episod ende të pazbardhur, të incidenteve shëndetësore që patën disa diplomatë amerikanë në Kubë, duke çuar në uljen e personelit të SHBA-së të pranishëm në Havanë.
/b.d
