Ryan Giggs ka marrë simpati të madhe si futbollist, për shkak të asaj që tregonte në fushën e lojës. Megjithatë jashtë terreneve sportive, duket se ish-mesfushori ka qenë edhe një manipulues i mirë.
Vëllai i tij, Rhodri Giggs, ka fituar një shumë prej 1 milion Eurosh, pas një skandali të ish-lojtarit.
Ryan Giggs, ka bërë jetë të dyfishtë nga viti 2003 deri në vitin 2011. Uellsiani ishte në një lidhje sekrete me gruan e vëllait të tij për plot tetë vite.
Ndonëse ishte martuar me Stacey Cooke, Giggs paralelisht ishte në një marrëdhënie të fshehtë edhe me Natasha Lever, e cila asokohe ishte gruaja e vëllait të tij, Rhodri-t.
Skandali u zbulua në vitin 2011, kur Stacey Cooke konfirmoi tradhtinë dhe i dha fund martesës mes tyre.
Rhodri është rikthyer të flasë për atë situatë, duke thënë se atë kohë arkëtoi 1 milion Euro nga intervistat e dhëna për tradhtinë.
“Kanë kaluar 14 vite dhe unë tani kam dy fëmijë me dikë tjetër. Kam bërë shumë para nga ajo histori. Arkëtova rreth 1 milion Euro nga intervistat. E gjitha ishte pjesë e argëtimit”, tha Rhodri.
Ky i fundit, pas divorcit e akuzoi ish-gruan e tij se kishte kryer marrëdhënie edhe me futbollistë të tjerë.
