Dy shqiptarë janë shpallur në kërkim në Itali pas një sulmi me thikë që bënë ndaj një marokeni.
Ngjarja ndodhi në qytetin e Firences ku, dy shqiptarët pasi iu afruan marokenit u përpoqën ta fusnin me forcë në makinë.
Protagonist ishte 30-vjeçar maroken që e tregoi vetë ngjarjen në polici. Teksa kthehej për shtëpi në orën 02.30 të natës në sheshin e Firences, u ndal nga dy shqiptarë që dolën nga makina.
Pasi i bënë disa pyetje ata kërkuan me forcë ta fusnin në makinë madje edhe ta qëllonin me thikë, por pa arritur ta plagosnin shkruan BW.
Ishte ndërhyrja e një shoku të marokenit që arriti ta tërhiqte 30-vjeçarin duke e shpëtuar kështu. Nuk dihet ende se për çfarë kërkonin ta rrëmbenin shqiptarët marokenin por pista e dyshimit është vjedhja e sendeve me vlerë që mund të kishte.
Policia italiane ka nisur hetimet për kapjen e shqiptarëve./a.m.
