Në një intervistë për median belge dhnet.be, ish deputeti Mark Frroku ka mohuar vrasjen e vitit 1999 në Bruksel të Belgjikës. Drejtësia belge ka dënuar me 10 vjet heqje lirie Mark Frroku.
“Unë nuk e kam kryer këtë vrasje në Belgjikë në vitin 1999. Unë kam qenë në Shqipëri më 15 mars 1999, 1500 km larg nga Brukseli. Unë do të shtoja se nuk kam mbrojtje në Shqipëri. Në qoftë se do të kisha mbrojtje siç mendohet, nuk do të isha këtu në burg prej dy vjetësh”, ka thënë Frroku për median belge dhnet.be.
“Mes burgjeve belge, holandeze dhe shqiptare, më të vështira janë ato shqiptarë”, citohet ai nga “La Dernière Heure”, në një artikull të publikuar këtë të këtë të martë. A u bë ai anëtar i Parlamentit që të merrte imunitetin dhe t’i shpëtonte drejtësisë belge dhe 10 viteve burgim?
“Unë u zgjodha në mënyre rregullt, përballë kandidatëve seriozë, me 7,000 vota avantazh. Nuk kishte asnjë rreng, padyshim”, ka shtuar Frroku.
Ish-deputeti ndodhet prej afro një viti i arrestuar. Prokuroria e akuzon Frokun për vrasjen e Aleksandër Kurtit më 1999 në Belgjikë, për ndërtimit të paligjshëm dhe mosdeklarimit te pasurisë. Në seancën e radhës në 7 mars pritet që organi i akuzës ti kërkojë gjykatës edhe masën e dënimit për ish deputetin.
ma.me
