Shpesh kishat dhe manastiret janë përfshirë në skandale seksuale nga më të mëdhajat.
Së fundmi në media një gjyq që është duke u zhvilluar në Teksas, SHBA është duke u bërë viral në rrjet dhe kryefjalë e tij është një murgeshë dhe një prift.
Murgesha në fjale që u cilësua si “kur*ë” nga bashkëjetueset e saj dhe u internua nga manastiri pasi rrëfeu se kishte bërë seks me një prift. Por nuk mbaron këtu, murgesha ka treguar se ngjarja ka ndodhur në telefon dhe dlirësia e saj trupore nuk është prekur.
Murgesha 43-vjeçare, e cila ka probleme të theksuara shëndetësore që e kanë lënë atë në një karrige me rrota dhe e detyrojnë të përdorë një tub ushqimi, pranoi se kishte një romancë ‘të tmerrshme’ përmes telefonit me një prift në Montana.
Ka qenë vetë murgesha që e ka rrëfyer ngjarjen gjatë një marrjeje në pyetje nga peshkopi në prill.
“Kam bërë një gabim të tmerrshëm, të tmerrshëm”, dëgjohet duke thënë ajo në një regjistrim të bisedës së tyre, sipas një transkripti të publikuar nga Fort Worth Star-Telegram.
Regjistrimi, i cili u shfaq në gjykatë të martën, vazhdoi ndërsa peshkopi hetoi murgeshën për më shumë detaje mbi marrëdhënien skandaloze.
“Nuk isha vetëvetja, edhe murgesha mund të bjerë”, dëgjohet duke i thënë murgesha.
“Peshkop, më duhet të të them diçka. Nuk di si ta shpjegoj këtë, por kjo nuk ndodhi fizikisht. Aspak. Gjithçka ishte në telefon”, shtoi ajo gjithashtu në rrëfimin e saj.
Pavarësisht kësaj, murgesha u largua nga ‘Manastiri Karmelit i Trinisë Më të Shenjtë’ në Arlington më 1 qershor pasi peshkopi arriti në përfundimin se ajo kishte thyer zotimin e saj, sipas një dekreti të shkarkimit të lëshuar nga Dioqeza Katolike e Fort Ëorth.
Ndër të tjera gjatë videos, peshkopi gjithashtu pretendoi se atij i ishte dhënë informacion në lidhje me aktivitetin e paligjshëm të drogës në manastirin e motrës Gerlach. Dioqeza i tha Star-Telegram se ata kanë njoftuar policinë për “shqetësime serioze” të marijuanës dhe ushqimeve të dyshimta që ata pretendojnë se i kanë zbuluar brenda manastirit Arlington.
