Me format e një kukulle, ajo është shndërruar në modelin që po ndiqet nga vajzat në rrjetet sociale, pasi gjithmonë ka një foto ku prezanton look-n dhe stilin e jetës që bën. Marina Fara është vajza e vetme e këngëtares Eli Fara, e cila ndryshe nga nëna e saj, që njihet në skenë, ajo komentohet për protagonizmin e saj në rrjetet sociale Edhe pse në jetë është larg botës së spektaklit, pasi ushtron profesionin e juristes, ka arritur të bëjë për vete shumë fansa.
Marina zbulon në këtë intervistë për gazetën “Panorama” pikën e fortë për të qenë tërheqëse dhe me famë pa nevojën e ekranit, dhe sa përputhen tek ajo jeta virtuale me atë reale.
Fiziku yt perfekt po i çmend rrjetet, cilat janë sekretet e linjave prej kukulle?
Fiziku është njëkohësisht gjenetik dhe përkushtim për të mbajtur atë çka gjenetika të dhuron. Tashmë je shndërruar në personazhin protagonist në rrjetet sociale, nisur nga fotot e bukura që poston.
Është jeta jote një “reality show” që u ofrohet portaleve?
Mendoj se përditshmëria ime është po aq e njëjtë dhe njëkohë- sisht e veçantë sa e çdo njeriu tjetër. Nuk mendoj që jeta ime është kthyer në një “reality show”.
Të jesh ikonë Instagrami për çfarë të shërben, cila është kënaqësia e këtij lloj popullariteti që ke fituar?
Instagrami dhe rrjetet e tjera janë një risi në jetën tonë të dixhitalizuar tashmë. Mendoj që është ende në fazat e një eksperimenti social, si për mua dhe për çdo vajzë apo djalë tjetër që ka arritur popullaritet në të.
Të shkruajnë mesazhe persona që kërkojnë të njihen me ty, dhe si u përgjigjesh?
Aq sa koha më lejon, mundohem t’u përgjigjem pyetjeve të ndryshme të njerëzve, por di të ndaj jetën time të përditshme dhe mos ta konfuzoj atë me realitetin virtual.
Cila është pika jote më e fortë e atraksionit, pra si i tërheq ndjekësit e tu?
Nuk do ta përkufizoja si një pikë të fortë, thjesht mundohem të ndaj me ndjekësit e mi, si çdo vajzë tjetër në rrjetet sociale, fotot e mia dhe pse jo ndonjëherë dhe gjendjen emocionale në të cilën ndodhem.
Personat që të shkruajnë janë më shumë meshkuj apo femra?
Mendoj se janë të barabartë, por nuk kam bërë ndonjë analizë statistikore. Komentohesh si vajzë showbiz-i, por në fakt ti ushtron profesionin e juristes.
Si ndikon kjo famë në punën tënde të përditshme?
Siç e përmenda më sipër, njeriu duhet të jetë i aftë të ndajë botën virtuale me atë realen, pra të prekshmen. Nuk besoj se fama ka ndonjë ndikim në punën time si juriste.
Miqtë e tu më të afërt janë pjesë e artit apo administratës?
Janë nga të dyja fushat. Unë jam rritur mes artistësh dhe punoj me pjesëtarë të administratës, kështu që rrethi im miqësor përbëhet nga të dyja fushat.
Para ca kohësh bëre bujë me fotot pranë futbollistëve të Kombëtares. Me cilët prej tyre ke komunikim të shpeshtë apo shkëmben miqësi?
Vazhdoj të jem shtetase shqiptare dhe, si për çdonjërin prej nesh, Kombëtarja e futbollit është krenari. Si çdo bashkëkombës tjetër, ashtu edhe unë e kam për kënaqësi të kem një foto me ta. Mendoj që ajo foto nuk përbën lajm për ta komentuar më tej.
Nëna jote këngëtare, Eli Fara, e ka shprehur dëshirën e saj hapur se do të të shohë sa më shpejt të veshur nuse. Sa pranë je vendimit më të rëndësishëm të jetës?
Çdo prind ka dëshirë të shohë fëmijët e tij apo saj të lumtur dhe të stabilizuar në atë lumturi. Por kjo nuk do të thotë që duhet të varemi te një partner jete për lumturinë tonë.
Je e dashuruar dhe çfarë kriteresh ke në një lidhje?
Po jam e dashuruar me shumë gjëra, vende, ide… Dua të them se njeriu duhet të dashurojë shumë gjëra e jo vetëm persona fizikë. Çdo hap i ndërmarrë në jetë duhet të jetë me dashuri dhe respekt për veten, në radhë të parë.
Hyn te tipat romantikë apo praktikë në një marrëdhënie?
Një miks mes te dyjave, fundja asgjë nuk është bardhezi.
Cili është djali i njohur që të intrigon për ta njohur?
Nuk kam ndonjë personazh specifik, nuk po më vjen ndërmend për momentin…
Duket se bën jetë princeshe, por sa e rrethuar je nga luksi në të vërtetë?
Bëj jetën që mund të përballoj. E mira nuk ka fund, kështu që nuk mund të bëj krahasime me askënd tjetër, sepse çdo njeri jeton ndryshe, me mundësi të ndryshme.
I ke renditur pasionet që do t’i bësh realitet dhe kur mund të të shohim në një skenë spektakli?
Çdo gjë që më plotëson shpirtërisht apo profesionalisht bën pjesë në pasionet e mia, të cilat përpiqem të mos i kufizoj vetëm brenda një fushe. Prandaj nuk mund të them nëse do më shihni apo jo ndonjëherë në skenë./Panorama/a.m.
