Përmes një ligji të miratuar muajin e shkuar, Gjermania ka thjeshtuar procedurat e punësimit për azilkërkuesit shqiptarë. Të gjithë ata persona të cilët kanë tërhequr kërkesat për azil në Gjermani dhe janë kthyer në vendlindje vullnetarisht përpra datës 26 tetor të këtij viti o të kenë një tjetër shans, sigurisht jo për të përfituar azil por për të fituar një vend pune.
Lajmin e bëri të ditur Ministri i Mirëqënies Sociale Blendi Klosi gjatë një seance dëgjimore për azilkërkuesit në Komisionin Parlamentar për Politkën e Jashtme. Ministria e Mirëqenies Sociale në bashkëpunim me qeverinë gjermane do të ndihmojnë çdo qytetar shqiptarë që të përfitojë një mundësi punësimi në Gjermani, duke nisur nga janari i vitit të ardhshëm.
Pra, është një ligj që thjeshton shumë procedurat, por kërkon të kesh një kualifikim të nevojshëm minimal për punën që kërkon, të kesh një kontratë pune si dhe të marrësh një aprovim nga zyra e punës në Gjermani”, u shpreh Klosi.
Sipas këtij ligji, janë hequr problematikat e vështira për tu realizuar dhe kësisoj nga viti i ardhshëm, personat e lartpërmendur, do të kenë një mundësi të mirë për tu punësuar në Gjermani.
