Futbollisti i “Borusia Dortmundit”, Marco Reus, është zgjedhur lojtari i vitit në Gjermani ndërsa Jurgen Klopp, trajneri i vitit.
Sipas anketës së organizuar nga revista “Kicker” me pjesëmarrjen e 540 gazetarëve sportivë, futbollisti i kombëtares gjermane Reus, me 158 vota u zgjodh futbollisti i vitit.
Reus, 30 vjeç, edhe në vitin 2012 ishte zgjedhur futbollisti i vitit.
Në listë ishin Kai Havertz nga “Bajern Leverkursen” që u rendit i dyti me 121 vota, Joshua Kimmich nga “Bajern Mynihu” i treti me 35 vota si dhe futbollisti gjerman i “Mançester Sitit”, Leroy Sane i katërti me 28 vota.
Në anketë, trajneri i klubit anglez “Liverpul”, Jurgen Klopp me 183 vota u zgjodh i pari. Pas tij, me 139 vota trajneri i “Fortuna Dyseldorfit”, Friedhelm Funkel u radhit i dyti dhe Adi Hutter i “Eintraht Frankfurtit” me 56 vota në vendin e tretë.
