Muharem Rama ka fituar bindshëm edhe njësinë administrative të Maqellarës, një bastion ky i Partisë Demokratike. Nga numërimi i 19 kutive të kësaj njësie, kandidati i Aleancës për Shqipërinë Europiane, Muharem Rama, ka fituar me 588 vota më shumë se rivali i APPD, Sherefedin Shehu.
Maqellara njihet si bastion i demokratëve, por pavarësisht kësaj edhe një vit më parë kur kandidonte Ilir Krosi, demokratët humbën në këtë njësi me një diferencë prej 34 votash në favor të kandidatit socialist, Shukri Xhelili./Shqiptarja.com/
