Edhe pse nuk është anëtare e NATO-s, Maqedonia i është bashkuar vendeve perëndimore në masën për dëbimin e diplomatëve rusë.
Maqedonia ka vendosur të largojë një diplomat të Federatës Ruse që ka qenë me mision në Maqedoni për shkak të rastit ‘Skripal’.
“Përdorimi i armatimit kimik të nivelit ushtarak është në kundërshtim me ligjin ndërkombëtar dhe një gjë e tillë ndikon në sigurinë e vendeve”, thuhet në komunikatë.
Vendimin e Maqedonisë e ka mbështetur ambasadori i Mbretërisë së Bashkuar në Maqedoni, Charles Garett.
SHBA-të dhe BE-ja kanë dëbuar gjithashtu dhjetëra diplomatë rusë lidhur me rastin Skripal./a.m.
