Maqedonia e Veriut në 24 orët e fundit ka regjistruar 125 raste të reja me koronavirusin e ri (COVID-19), me çka numri i përgjithshëm i të prekurve me këtë virus është rritur në 3.364, transmeton Anadolu Agency.
Ministria e Shëndetësisë njoftoi se në 24 orët e fundit janë shëruar gjashtë pacientë ndërsa shtatë kanë ndërruar jetë.
Numri i përgjithshëm i të shëruarve është rritur në 1.664, i të vdekurve në 164, ndërsa numri i rasteve aktive me COVID-19 në vend arrin në 1.536.
Gjatë ditës së fundit në Maqedoninë e Veriut janë kryer 1.019 teste për COVID-19, ndërsa që nga shpërthimi i pandemisë janë kryer 39.033 teste.
Viktimat që kanë ndërruar jetë në klinikën e sëmundjeve infektive dhe spitalin e qytetin janë, tre nga Shkupi të moshës 54, 73 dhe 79-vjeçare, dy nga Struga të moshës 73 dhe 66-vjeçare kurse nga një viktimë është regjistruar në Tetovë dhe një tjetër në Shtip.
Marrë paraysh të dhënat e fundit, numri i përgjithshëm i viktimave ka arritur në 164.
Që fillimi i pandemisë me koronavirus, në këtë shtet janë testuar 39,033 mostra dhe nga to 3,364 kanë rezultuar pozitive.
Në mesin e tyre 1,664 persona janë shëruar ndërsa ende aktivë janë 1,536 të tjerë.
Ministri i Shëndetësisë, Venko Filipçe në një konferencë për media javën e kaluar u shpreh se vendi po përballet me valën e dytë të pandemisë.
Zyrtarët e vendit më parë njoftuan se kulmi i rasteve me COVID-19 do të arrinte shifrën midis 2.000 dhe 2.500.
/e.rr
