Parlamenti i Maqedonisë do të votojë sot listën e ministrave të propozuar nga BDI, por siç bëhet e ditur ajo dje ka pësuar ndryshime, pasi disa nga kandidatët nuk i kanë plotësuar kushtet për tu bërë ministra. Bëhet fjalë për disa emra pak të njohur dhe me CV të vobektë publike, të cilët nuk njihen në opinion.
Portali Shqipmedia kishte shkruar se kryetari i VMRO-DPMNE-së Nikolla Gruevski ka refuzuar të votojë emrat e rinj.
Gruevski i ka kërkuar Ahmetit që deri të mërkurën ti dorëzojë listë me emra tjerë dhe më njerëz më të pjekur për politikë.
Ndërkohë, mësohet se disa nga kandidatët e propozuar nuk do të jenë në listë, edhe për shkak të kushteve që nuk i kanë plotësuar, por edhe pas reagimeve të degëve të partisë.
