Mediumet maqedonase kanë publikuar informata se cilët mund të jenë 22 personat për të cilët s’vlen më vendimi i presidentit Gjorge Ivanov për amnisti, nga gjithsej 56 për të cilët e shpalli faljen më 12 prill. Portali mkd.mk shkruan se, kur të hiqen nga lista 56 të amnistuarve nga Ivanovi biznesmenët dhe nëpunësit shtetërorë, mbeten këta 22 persona për të cilët Ivanovi sot e tërhoqi faljen.
Kështu, sipas mediumit në fjalë, Prokuroria Speciale Publike do të mund të zhvillojë hetime për përfshirje në veprime eventuale kriminale kundër këtyre personave:
Irena Misheva, kryetare e Këshillit të Qytetit të Shkupit,
Mile Janakievski, ish-ministër i Transportit,
Gordana Jankullovska, ish ministre e Brendshme,
Lupço Dimovski, ish-ministër i Bujqësisë,
Martin Protugjer, shef i kabinetit i ish-kryeministrit Nikolla Gruevski,
Bedredin Ibrahimi, anëtar i KSH-së nga PDSH,
Kiril Bozhinovski, sekretar i përgjithshëm i Qeverisë,
Nikolla Gruevski, ish-kryeministër, kryetar i VMRO-DPMNE-së,
Toni Trajkovski, kryetar i komunës Gazi Baba,
Zoran Zaev, kryetar i LSDM-së,
Koce Trajanovski, kryetari i qytetit të Shkupit,
Vlladimir Todoroviç, ish-kryetar i komunës Qendër,
Edmund Temellko, kryetar i komunës së Pustecit, Shqipëri,
Vlladimir Talevski, kryetar i komunës së Manastirit,
Branko Palifrov, i punësuar në komunë e Strumicës,
Branko Cërvenkovski, ish-president dhe ish-kryeministër i Maqedonisë,
Ismet Gurri, funksionar komunal i BDI-së,Sasho Mijallkov, ish-shef i policisë sekrete,
Lupço Todorovski, ish drejtor i Zyrës për Siguri Publike,
Zoran Verushevski, ish-shef i DSK-së.
