Liderët e katër partive më të mëdha parlamentare në Maqedoni nuk kanë arritur marrëveshje në bisedimet për zgjidhjen e krizës politike, që u zhvilluan me lehtësimin e komisionerit Johanes Hahn, dhe ambasadorëve Aivo Orav dhe Jess Bailey.
Këtë e ka konfirmuar lideri i LSMD-së, Zoran Zaevi i cili është prononcuar para mediave, pas bisedimeve 8 orëshe në rezidencën e BE-së, në Përzhino.
“Për ne nuk janë të pranueshme zgjedhjet, pa regullimin e medimumeve dhe pa pastrimin e listës zgjedhore. Nëse mbahen zgjedhjet më 24 Prill, ne në ato zgjedhje nuk do të marrim pjesë. Do të vazhdojmë betejën për zgjedhje të lira dhe demokratike”, tha Zaevi.
