Këngëtarja e njohur maqedonase Jana Burceska, e cila përfaqësoi Maqedoninë në “Eurovision” me këngën “Dance Alone”, mori befasinë më të bukur ndonjëherë.
Në momentin kur u mbyll televotimi, prezantuesi i cili ndodhej në “dhomën e gjelbër” pranë konkurrentëve iu afrua këngëtares maqedonase për ta pyetur për performancën, dhe shtatzëninë e saj, pasi ajo pret që shumë shpejt të bëhet nënë.
Pranë saj ndodhej edhe bashkëshorti, ndërsa befasia më e madhe erdhi në momentin kur ai nxori unazën, dhe i propozoi Janës martesë para milionave shikuesve në transmetim të drejtpërdrejtë.
Këngëtarja pranoi unazën me shumë kënaqësi, gjersa dhuruan një puthje pasionante para gjithë shikuesve të gjysmëfinales së dytë të “Eurovision 2017”, përgatiti ”Telegrafi”. (b.an)
