Manjani “thumbon’ Bashën: PD një trup në koma, nervi politik është më i mpirë se asnjëherë. S’kemi gjë në terezi

Ish- Ministri i LSI  Ylli Manjani, ka komentuar situatën brenda Partisë Demokratike e cila sot po mban Kuvendin Kombëtar.

Sipas Manjanit, nervi politik është më i mpirë se asnjëherë më parë në 30 vitet e fundit, pasi tejzgjatja e mandatit politik të qeverisë moniste ishte neuroparalizuesi fatal që e ka mpirë këtë nerv.

Manjani thotë se debatet brenda PD janë thjesht reagime nervore periferike, taman sikur ngacmon një trup në koma.

Postimi i Manjanit:

1. Vendi përjeton degjenerimin më të thellë politik, degjenerim që ka qrdhur nga krizat politike të pazgjidhura në vite;

2. Kjo politikë e ka mbyllë ciklin e vet, dmth filloi si antimonitëm dhe rrëshqiti në monizëm;

3. Zgjatja e mandatit politik të qeverisë aktuale është zgjatje artificiale e një politike cikëlmbyllur;

4. Vendi ka nevojë për një marrëveshje të re politike, që do të thotë Kushtetutë e re, institucione të reja përfaqësuese, rregulla të reja zgjedhje, parti idesh dhe jo agjensi punësimi, shtet jo partiak dhe ekonomi konkuruese;

5. Vendi ka të vetmin një destinacion strategjik EUROPËN; qartësisht nuk kemi gjë në terezi.

Nervi politik mund të riaktivizohet vetëm në një RISTART të një marrëdhënie të re politike./m.j