Gjykata e Tiranë ka zhvilluar gjatë ditës së sotme analizën vjetore të vitit 2015. I pranishëm në takim, ministri i Drejtësisë kërkoi nga gjyqtarët që të respektohen oraret e gjykimit të çështjeve, ndërsa tha se gjykatat përballen me një volum të madh dosjesh.
“Duhet të respektohen oraret. Apeli është gjykata që bën realisht balancën, që anon gurin e balancës nga e mira apo e keqja me shumë shpejtësi. Nëse në Apel ne do të arrijmë të gjykojmë me shpejtësi, atëherë perceptimi do të ndryshojë” – tha Ylli Manjani.
Sipas tij, çdo vonesë shton perceptimin për të keqen dhe askush nuk do t’ia dijë që gjyqtarët janë të ngarkuar.
