Ministri i Drejtësisë, Ylli Manjani, deklaroi se çështja e terrorizmit ëhstë mjaft e ndjeshme dhe sipas tij e rrezikuar është edhe Shqipëria. Për këtë arsye sipas minsitrit janë marrë masa shtesë sigurie.
“Çështja e terrorizmit është globale, nuk është cështje deklaratash, nuk është cështje për t’u nënvlerësuar. Shqipëria është pjesë e luftës kundër terrorizmit, mund të jetë objekt sulmesh, ndaj përforcohet vëmendja, shtohet siguria, jo për të frikësuar njerëzit, sepse njerëzimi është i kërcënuar tashmë dihet”, u shpreh Manjani.
Ndërkohë rreth Reformës në Drejtësi, Manjani i pyetur nëse do të arrihet dakortësi mes palëve, dha këtë deklaratë:
“Ne po punojmë që kjo reformë të bëhet, dhe kjo do jetë e rëndësishme për marrjen e statusit. Për këtë po punojmë të gjithë sëbashku. Sa i takon deklaratës së ambasadorit, kam mirënjohje respekt dhe mbështetje totale”, -deklaroi Manjani.
Po kështu, Manjani u shpreh dhe mbi shkarkimin e drejtorit të burgut të Korçës, duke theksuar se do të penalizohet çdokush që shkel ligjin.
