Ministri i Drejtësisë u është drejtuar sot me thirrje gjyqtarëve dhe prokurorëve, të bëjnë detyrën për sa i takon gjykimit të shtetasve që janë arrestuar. Gjatë fjalës së tij në aktivitetin “Toga e artë” të Shoqatës së avokatëve penalistë, Manjani ka theksuar se në sistemin penitenciar janë 6027 persona të izoluar. Sipas shifrave, rezultojnë se prej tyre janë rreth 900 te mitur dhe 50% janë të paraburgosur.
“U bëj thirrje gjyqtarëve dhe prokurorëve, që të paktën të arrestuarit në flagrancë duhet të gjykohen. Nuk mund të ngrysin ditët në paraburgim. Kush vonon gjyqin nuk do ta ketë të lehtë vetingun”- tha Manjani.
