Manjani: Ne paguajmë kuotat e partisë, Berisha faturat e prostitutave
Sekretari i Përgjithshëm i LSIsë, Ylli Manjani, reagoi sot akuzat e ish-kryeministrit Sali Berisha, sipas të cilit, Thesari i Shtetit është shndërruar në thesarin e LSI. Berisha akuzonte Ministria e Mjedisit përdorte Thesarin e Shtetit për të financuar LSInë.
Duke përdorur ironinë, Manjani tha se LSI paguan kuotat e partisë, ndërsa Berisha faturat e prostitutave.
“Ne kemi një shqetësim të përbashkët dhe e ndajmë me njëri-tjetrin atë të shlyerjes së detyrimeve periodike. Nuk na zë gjumi po nuk shlyem detyrimet. Por dallim është se ne paguajmë kuotat e partisë, kurse doktori paguan faturat e prostitutave e ka thënë vetë… Dallimi tjetër është se ne i paguajmë në mënyrë transparente. Ky është një dallim shumë i madh. Nga kjo pikëpamje nuk kemi ndonjë xhelozi”, tha Manjani.
Më tej, Manjani shtoi se “Doktori është i lirë të paguajë faturat e kujtdo por kuotat e partisë ne i paguajmë. Dallimi tjetër është se ne i paguajmë në mënyrë transparente. Kjo është pagesa më transparente. Çdo shtetas mund të verifikojë në çdo moment se çfarë bën thesari. Nga paga e zyrtarit politik me lejen e tij thesari bën ndalesën përkatëse sipas urdhrit që i jep pronari i pagës, ashtu siç është i lirë doktori të paguajë faturat e prostitutave”.
