Kthimi i ligjit për tatimin mbi të ardhurat e lojërave të fatit nga presidenti Ilir Meta, ka shkaktuar një sërë reagimesh.
Një prej tyre është edhe ai i ish-ministrit të Drejtësisë Ylli Manjani i cili adreson një kritikë publike ndaj kreut të shtetit.
Manjani e quan një vendim të gabuar dhe mesazh të drejtë.
Ndër të tjera ai shkruan:
“Presidenti i Republikës ka kryer në Kuvend për rishqyrtim edhe ligjin për “ndryshime në ligjin për Tatimet”.
Ligji në thelb propozon uljen e tatimit mbi të ardhurat për lorjat e fatit. Pra ndryshimi është fiskal dhe i natyrës politike.
Qeveritë janë legjitime të bëjnë ndryshime politkash fiskale. Natyrisht marrin dhe kostot apo përfitimet përkatëse.
Presidenti në mesazhin e Tij, sugjeron trajtimin e fenomenit të bixhozit. I drejtë është edhe ky shqetësim, por nuk ka lidhje me ligjin që ka kthyer.
Ky shqetësim duhet trajtuar në ligjin për Lojrat e Fatit, i cili duhet ri konceptuar i tëri. Duhet bërë një ligj që nga njëra anë ruan publikun nga fenomeni (siç thotë dhe Presidenti), por nga ana tjetër duhet rregulluar drejtë bisnesi në këtë fushë që ishte dhe është me ndikim të dukshëm monopolist.
Pra mesazhi i Presidentit mbetet, por ligji i propozuar ska pse të mos kalojë.
Është mesazh i drejtë, por në ligjin e gabuar.
Ndërkohë një ligj i ri modern dhe i kohës që rregullon drejtë sektorin e lojrave të fatit është domosdoshmëri”, nënvizon Manjani.
/b.d
