SHÇBA e Vlores ka arrestuar 3 punonjës te policise se qarkullimit rrugor ne Delvine, per shperdorim detyre.
Te arrestuarit jane:
– N/Komisar Artan Alinani, 47 vjeç, me detyre Specialist Sherbimi dhe Pergjegjes grupi ne seksionin e kontrollit dhe menaxhimit te qarkullimit rrugor ne Komisariatin e Policise Delvine.
– Inspektor Osman Tozo, 49 vjeç, me detyre Trupe sherbimi ne Seksionin e kontrollit dhe menaxhimit ne Komisariatin e Policise Delvine.
– Inspektor Shkelqim Vrapi, 51 vjeç, me detyre Trupe sherbimi ne seksionin e kontrollit dhe menaxhimit ne Komisariatin e Policise Delvine.
Ndalimi i tyre u be pasi ne date 2 maj 2016, rreth ores 13.00, ne nje rruge te qytetit te Delvines, automjeti i tipit “Mercedes Benz”, me targe DL 3134 A, ne pronesi te shtetasit M.A., por i drejtuar nga shtetasi A. Sh. u perplas me automjetin me targa greke YZX 4089.
Pavaresisht ngjarjes se ndodhur, Shefi i Sektorit te Qarkullimit Rrugor ne Komisariatin e Policise Delvine N/Komisar Artan Alinani, dyshohet se ka ndryshuar emrin e drejtuesit te automjetit me targe DL 3134 A te perfshire ne ngjarje, shtetasit A.Sh., pasi nuk kishte Leje Drejtimi, me nje shtetas tjeter.
Ne realizimin e ketij akti falsifikimi jane perfshire edhe efektivet e policise Inspektor Shkelqim Vrapi dhe Inspektor Osman Tozo.
Punonjesit e policise N/Komisar Artan Alinani, Inspektor Osman Tozo, Inspektor Shkelqim Vrapi kane kryer veprat penale “Shperdorimi i detyres”, kryer ne bashkepunim, dhe “Falsifikimi i dokumentave”, nga personi qe ka per detyre te leshoje dokumentin, kryer ne bashkepunim, parashikuar nga nenet 248 e 25 dhe 186/3 e 25 te Kodit Penal./a.m.
