“Manipulimi i votave për zgjedhjen e Bashës” / Kadilli ngre tre kërkesa: Janë më të domosdoshme

Ish-anëtari i Kryesisë së PD, Fatbardh Kadilli, ka reaguar lidhur me deklaratën e deputetit demokrat, Edi Paloka për manipulimi e votave për zgjedhjen e kryetarit të PD

Përmes nje postimi në rrjetet sociale, Kadilli ka ngritur tre kërkesa të cilat sipas tij, janë më të domosdoshme se kurrë për të ardhmen e PD-së.

Ai thekson se nëse këto tre kërkesa do të plotësohen, ato do sjellin edhe një rezultat jetik për të ardhmen.

“Tre propozime prej një rrëfimi.

Edi Paloka u shfaq i penduar dje duke pranuar që kishte punuar për vjedhjen e votave për të rizgjedhur Lulzim Bashën si kryetar të partisë. Nuk dua të komentoj nisur nga fakti që unë jam viktimë direkte e vjedhjes së votave në PD. Nuk komentoj as rrëfimin e këtij mëkati të pafalshëm të Palokës.
Dua të ngre tre kërkesa që nën dritën e deklaratës së Palokës janë më të domosdoshme se kurrë ëpr të ardhmen e PD-së:
1. Lulzim Basha duhet të japë dorëheqjen duke mundësuar që në PD të ketë garë për kryetarin. Vetëm fakti që solli Paloka është në vetvete detyrim që Basha të japë menjëherë dorëheqjen.

2. PD duhet të ndryshojë rrënjësisht mënyrën si adminsotrohet: duhet të krijoeht një administratë partiake profesionsite, e paanshme në organizimin dhe administrimin e të gjitha aktiviteteve partiake përfshi zgjedhjet e brendëshme.

3. PD ka nevojë të ndërrojë urgjentisht jo vetëm kryetarin, por edhe elitën e saj drejtuese. Shumë drejtues të lartë, si mes atyre që mëbshtesin Bashën edhe atyre që mbështesin Berishën, janë kompremntuar rëndë dhe nuk mund të jenë pjesë e drejtimit të PD-së në të ardhmen.

Nëse këto tre kërkesa do të plotësohen, ato do sjellin edhe një rezultat jetikpër të ardhmen: unifikimin e PD-së me një kryetar dhe ekip të ri drejtues dhe një vizion të ri për të ardhmen”, shkruan Kadilli.

/a.r