Roberto Mancini ka ripërsëritur se nuk ka asgjë të vërtetë në raportimet që e lidhin me një kalim te Roma. Trajneri italian ka mbetur pa post që kur u largua nga Interi gjatë verës, ndërsa së fundmi mediat italiane raportonin se ai po shihet si zëvendësues i Luciano Spallettit.
“Jam gati të bëhem sërish trajner, por nuk e di të ardhmen time”, ka thënë ai për Corriere dello Sport. “Sa i përket Romës, mund të them se s’ka absolutisht asgjë. Si profesionist gjithçka mund të ndodhë, por çdo dy ditë lidhem me një ekip.
Dikush mund t’ia qëllojë… por tani nuk ka asgjë. Dua të kthehem sërish dhe dua një eksperiencë të re. Do të doja një eksperiencë në Spanjë ose Gjermani, pasi tashmë kam qenë në Itali e Angli”. (b.an)
