Ministrja e Shëndetsisë, Ogerta Manastirliu ka lajmëruar se të shtunën Shqipëria merr 40 mijë doza të AstraZeneca.
Ajo thotë se këto doza Shqipëria i pëfiton nga instrumenti Covax. Ndër të tjera Manastirliu thekson se deri më sot në Shqipëri mbi 200 mijë të moshuar kanë marrë një dozë të vaksinës, ndërsa sot kalohet shifra e 300 mijë të vaksinuarve.
‘’Vijojmë me vaksinimin masiv të popullatës +60 vjeç. Edhe në Kamëz, kemi filluar me të sëmurët kronikë, si prioritet. Sot arrijmë mbi 200 mijë të moshuar që kanë marrë nga një dozë.’’- tha Manastirliu.
Nga ana tjetër, edhe kreu i qeverisë bëri me dije se ditën e sotme Shqipëria do të arrijë në kuotën e 300 mijë vaksinimeve në rang vendit, e ndërsa në fundjavë, si kurse është bërë me dije më herët, do të nisë vaksinimi i operatorëve turistik. Kjo me qëllim që të lehtësohet sezoni turistik, për të pasur një verë pa kufizime. / b.h
