Mbi 38 mijë doza vaksine AstraZeneca pritet të mbërrijnë ditën e premte në Shqipëri. Mirëpo kjo sasi dozash vjen në një moment, kur një shtet si Danimarka pezulloi përkohësisht përdorimin e saj pasi tek disa pacientë që u përdor shkaktoi mpiksje gjaku deri në vdekje.
Ministrja e Shëndetësisë, Ogerta Manastirliu, deklaroi nga emisioni “Opinion” se sasia e dozave do të vijë në vend. Ajo u shpreh se vaksinat që janë pezulluar në Danimarkë nuk kanë lidhje me serinë që do të vijë në Shqipëri.
Sipas ministres, edhe OBSH ka deklaruar se vaksina AstraZeneca duhet të vijojë të përdoret.
g.kosovari
