Klubi anglez insiston ta blejë sulmuesin kroat të Interit. Ivan Perisiç ka qenë një prej më meritorëve që Kroacia ka shkuar deri në finalen e Kampionatit Botëror “Rusia 2018”.
Paraqitjet fantastike të kroatit, e kanë mahnitur trajnerin e Manchester United, Jose Moourinho, i cili planifikon të bëjë një ofertë tjetër për ta bindur sulmuesin e krahut të transferohet në Old Trafford.
Mourinho e sheh Perisiqin si zëvendësues ideal të Anthony Martial, i cili pritet të largohet nga United. Oferta e “Djajve të Kuq”, për futbollistin e Interit pritet të shkojë deri në 70 milionë euro. Edhe një vit më parë Mourinho e kishte kërkuar Perisiqin, por ai kishte preferuar të qëndronte tek Interi, përgatiti Express. (b.an)
