Manchester City e ka mposhtur 1-0 Chelsean në stadiumin “Etihad”. Manchester City nuk ka të ndalur.
Në xhiron e 29, të besuarit e Pep Guardiolas e kanë mposhtur me rezultat minimal Chelsea, 1-0, duke ia vështirësuar punët “Bluve të Londrës” për një vend që dërgon në Ligën e kampionëve.
Golin e vetëm dhe të tri pikëve e realizoi Bernardo Silva në minutën e 46 të ndeshjes.
Man City tani ka shkuar në kuotën e 78 pikëve, 18 më shumë se vendi i dytë, Liverpooli, ndërsa Chelsea mbetet në pozitën e pestë me 53 pikë, 5 larg zonës Champions. Express
