Një nënë në Britaninë e Madhe u shoqërua në polici pasi postoi një foto të çuditshme në rrjetin social “Facebook”. Në foto dukej fëmija e saj me sindromën daun, i mbyllur në lavatriçe.
Courtney Stewart, ka thënë se fëmija ka hyrë brenda vetë pasi i pëlqen të luajnë me lavatriçen, dhe e ka postuar foton vetëm për të qeshur. Por, komshinjtë e saj nuk e kanë parë foton shumë argëtuese dhe kanë lajmëruar menjëherë policinë.
Ajo ka shpjeguar se dera nuk ishte e mbyllur dhe se priza nuk ishte në punë. Ditën e diel, 21-vjeçarja është shoqëruar për në polici, ku ka deklaruar se djalit të saj i pëlqen makina larëse “ne po qeshnim, po bënim shaka”. Gjithashtu, ajo ka hequr foton pasi është shoqëruar për në polici.
Ndërsa, policia sqaron se ka qenë në shtëpinë e Stewart dhe se e ka këshilluar atë që të mos bëjë më veprime të tilla që janë të rrezikshme për jetën e fëmijës.
