Një nënë vendosi t’i shkruajë një letër djalit të saj adoleshent, që kishte nisur të rebelohej. Por letra e Estella Havisham për djalin e saj 13-vjeçar, Aaron, është bërë hit në internet.
“Meqë duket se e ke harruar që je 13 vjeç dhe unë jam prindi, dhe meqë nuk do të kontrollohesh, mendoj se ke nevojë për një leksion mbi pavarësinë.
Meqë ma plase në fytyrë se tani po bën para, do jetë më e lehtë për ty që të blesh sërish të gjitha ato gjëra që kam blerë për ty në të shkuarën.
Nëse do të kesh drita ose akses në internet, duhet të paguash pjesën tënde të kostos:
Qiraja-430 dollarë
Energjia elektrike-116 dollarë
Interneti-21 dollarë
Ushqimi-150 dollarë
Po ashtu duhet të hedhësh plehrat të hënën, mërkurën dhe të premten, të marrësh pluhurat dhe të fshish me fshesë korrenti.
Do të duhet të mbash banjën e pastër, të përgatisësh vaktet e tua të ushqimit, të pastrosh veten.
Nëse nuk e bën këtë, do të më paguash nga 30 dollarë për çdo ditë që bëj këto gjëra për ty.
Nëse vendos të jesh sërish djali im, në vend që të jemi shokë dhome, mund të rinegociojmë këto kushte.
Me dashuri, mami”.
