Incident gjatë protestës së sotme të PD-së në çadrën para Kryeministrisë. Teksa ish-kryeministri Berisha po mbante fjalën para protestuesve duke i lëshuar ultimatum Ramës se ata janë të vendosur të mbrojnë votën me çdo sakrificë dhe çdo çmim, një grua i është sulur me fyerje.
“Malokë të qelbur, rroftë Edi Rama, ikni zhdukuni, lugatë, doni të vini në pushtet me shpuarje gomash”, ka bërtitur gruaja në momentin që po mbante fjalën Berisha, raporton “Gazeta Shqiptare”.
Menjëherë kanë ndërhyjë një pjesë e të rinjve protestues duke e shtyrë dhe larguar me forcë gruan nga zona e çadrës.
GSH, raporton se ka ndërhyrë deputetja e PD-së, Majlinda Bregu, e cila i ka bërtitur të rinjve “mos e godisni është femër” duke ndalur dhunën ndaj saj.
Megjithatë, edhe ky moment për pak sa shënoi një tjetër incident, sepse disa militantëve nuk u pëlqeu ndërhyrja e Bregut dhe nisën t’ja tregonin këtë pakënaqësi, vetë deputetes së PD.
Megjithatë, një gjest me dorë i Berishës që në atë moment po fliste dhe ndërhyrja e eksponentëve të tjerë demokratë, solli që situata të qetësohej dhe gruaja të largohej përfundimisht nga çadra e PD-së.
