Maliqi: Të dalim në protesta t’i bashkohemi Metës, ndërkombëtarët të distancohen nga Rama

Deputeti Lefter Maliqi ka deklaruar ditën e sotme se Edi Rama ka shkatërruar Shqipërinë. Deputeti u bëri thirrje ndërkombëtarëve që të distancohen nga ai, sepse ka keqqeverisur vendin.

“Ky njeri që sot drejton vendin ka mashtruar shqiptarët ka 7 vjet. E dimë se ka vjedhur votat me dosjet e Dibrës dhe të Shijakut. Ndërkombëtarët të distancohen nga Rama, sepse ai vetëm mashtron. Ai do vendosë rendin në 100 ditë, por kemi vetëm gjoba, vrasje me snajper etj, duke njollosur Shqipërinë. Gënjeu për reformën në arsim, gënjeu për vendosje të rendit. Ka kapur cdo institucion. Rama është mosmirënjohës. Zaptoi të gjitha zgjedhjet lokale. Ky njeri nuk donte prindërit e vet, arrestoi shokët e vet, futi kriminelët në politikë, futi deputetë me pranga në duar, për vrasje në Europë, trafiqe etj. Ky njeri vetëm aktron, ka kanabizuar vendin. Të nderuar ndërkombëtarë, ky është realiteti dhe shihni realitetin në sy” , u shpreh ndër të tjera ai.

Lefter Maliqi bëri thirrje që populli të ngrihet në protesta kundër qeverisë Rama.