Një ish-politikan i lartë malazez u dënua me 22 muaj burg për korrupsion pasi ra dakord me prokurorët për pranimin e fajit, bëri të ditur sot një gjykatë malazeze.
Svetozar Maroviç, i cili ishte president i Malit të Zi si edhe i versionit të fundit të ish-Jugosllavisë (Mali i Zi dhe Serbia) do të kalojë 22 muaj në burg si edhe do të kthejë shumën 1,1 milionë euro që ai i përfitoi nëpërmjet marrëveshjeve ilegale të ndërtimit përgjatë bregdetit adriatik të vendit më të vogël ballkanik.
Pavarësisht korrupsionit të përhapur gjerësisht, dënimi i Maroviçit, 62 vjeç, përbën një ngjarje të rrallë në ish-Jugosllavi, transmeton atsh.
Edhe ish-kryeministri kroat, Ivo Sanader, u dënua me 10 vite burg për korrupsion, por u lirua pasi po rigjykohet.
Mali i Zi është ftuar të jetë anëtar i NATO-s dhe është vend kandidat për në BE. (b.an)
