Diplomati malazez në Kosovë, Radovan Miljaniç, ka hedhur idenë e konsullatave dhe ambasadave të përbashkëta me Shqipërinë dhe Kosoven. I ngarkuari më punë në Kosovës ka deklaruar se ky është një qëllim për disa vende të rajonit.
“Ne do të kërkojmë marrëdhënie të shkëlqyera me Kosovën dhe fqinjët. Nuk ka rrugë tjetër pajtimi mes nesh” – ka thënë Miljaniç.
Por pavarësisht këtyre deklaratave, Ministria e Jashtme e Malit të Zi ka sqaruar se kjo ndërmarrje ka të bëjë vetëm me ndarjen e godinave të përfaqësive diplomatike dhe jo me bashkimin e misioneve të tyre.
Megjithatë, Mali i Zi mbetet vendi më i vogël i rajonit dhe si pasojë edhe ofrimi i disa shërbime nga ana e ambasadave shqiptare në disa vende të botës do të ishte një kërkesë e arsyeshme.
