Malaj: Qeveria të bëjë transparencë për draftin e taksimit të pagave të ulëta
Ish-ministri i financave dhe Presidenti i Institutit për Politika Publike dhe Mirëqenie Arben Malaj, i pyetur nga Javanews.al, dha këtë prononcim në lidhje me projektin e FMN për të taksuar pagat e ulëta.
“Sistemi i taksimit të të ardhurave, ku përfshihen edhe pagat, i përmban të dy modelet, tatim ose mos tatim i pagave/të ardhurave deri në një kufi të caktuar, ose të tatimit të çdo të ardhure, por për grupin me të ardhurat më të ulëta aplikohet një tatim sa me i ulët, kryesisht 5 deri në 10 perqind. Ka vende që edhe këtë nivel e tatojnë mbi 20%.
Mendoj se qeveria duhet të rrisë transparencen për draftin që po diskutohet këto orë, nsë mënyrë që të mos fryhet debati politik apo publik, duke u nisur nga opsione jozyrtare.
Them gjithashtu se duhet të qartesohen dhe ballafaqohen argumentat pro të opsionit të qeverisë. Duhen qartësuar impaktet mbi taksapaguesit me të ardhurat e ulëta dhe për buxhetin. Mesazhi kryesor në këtë situatë është se kostot e deficiteve dhe borxheve të larta i paguajnë taksapaguesit. Prandaj parandalimi i rritjes së tyre është prioritar” u shpreh Malaj.
