Sërish telashe për ish-këshilltarin e Trump, Michael Flynn të cilit nuk i ndahet ‘makthi rus’. Michael Flynn ish-këshilltari i presidentit Trump për Sigurinë Kombëtare nuk ka deklaruar të ardhurat, pagesat nga një rrjet televiziv rus dhe një firmë e lidhur me Rusinë në formën e deklarimit të të ardhurave të muajit shkurti, të paktën kështu raporton agjensia e lajmeve Reuters.
Sipas dokumenteve të publikuara nga Shtëpia e Bardhë në të ardhurat e firmosura nga Flynn, ai ka listuar angazhimet tek entitetet ruse përfshirë edhe televizionin “Russian Today” dhe kompaninë ajrore “Vogla-Dnepr”. Mosdeklarimi i këtyre të ardhurave që vijnë Rusia mund t’i shtojnë edhe më tej telashet ligjore ndaj Flynnit.
Flynn kontakte me Rusinë, kërkon imunitet
Ai u detyrua të dorëhiqet vetëm pak ditë pas emërimit pasi u akuzua se kishte kontaktuar me ambasadorin rus në SHBA. Madje dy ditë më parë ai kërkoi imunitet që të dëshmonte për raportet e tij me Rusinë e cila akuzohet se ka ndërhyrë në zgjedhjet presidenciale amerikane duke favorizuar Donald Trump.
