Artisti dhe shkrimtari i mirënjohur Maks Velo publikoi për herë të parë dosjen e tij, të cilën ka pak kohë që e ka marrë nga Autoriteti për Informim mbi Dokumentat e ish-Sigurimit.
Velo rrëfeu edhe momentet e vështira kur ndodhej në burgun e Spaçit, në të cilin ka qëndruar për 7 vite e 3 muaj.
Ai tregon 2 konfliktet e vetme që ka pasur në burg dhe se si donin ta vrisnin.
“Përveç rastit kur u zura me atë që isha afër, nuk jam dërguar kurrë në biruc. Konflikti me një kuksian duhet të ketë qenë nga Ministria e Brendshme. Më shtyu për në furne, për të më vrarë. I kërkova të më hiqnin nga ajo brigadë.
Tjetra është ajo e krevatit me Skënder Vreton, ai kishte hedhur dhe batanijen dhe çarçafin dhe dorën, po unë doja të flija, dhe e shtyva. Ai u çua pse më zgjove dhe filloi të godiste.
Unë respektoja rregullat, mua nuk ma kishin fajin policët e Spaçit, ma kishin intelektualët e Tiranës,” tha Velo./a.m.
