Hipsterët e vërtetë nuk ndjekin vetëm birrën e mirë, ata e krijojnë birrën e vet,dhe kjo gjë tashmë është bërë shumë më e lehtë me debutimin e Beer Bar.
E krijuar nga SodaStream Interrnational me bazë në Izrael, pajisja i lejon përdoruesit të shtojnë ujë me gaz në një formulë të veçantë koncentrati birre (të quajtur “Blondie”) për të krijuar birrë në shtëpi. Produkti përfundimtar ka 4.5% përmbajtje alkooli dhe me sa duket, duket dhe shijon njësoj si çdo birrë që mund të blini në dyqan apo në një bar.
Nëse kjo duket shumë mirë për të qenë e vërtetë, ju duhet të shikoni videon e kompanisë (më poshtë) për sistemin e saj të krijimit të ujit të gazuar, e cila demonstron se si ata transformojnë ujin e rubinetit në ujë të gazuar.
Megjithatë, edhe nëse ky sistem punon siç premton, kjo nuk garanton që ky produkt do të jetë një goditje e madhe, pasi të pasionuarit e birrës priren të jenë tmerrësisht përzgjedhës për shijen e birrës së tyre, shkruan krokodili.al.
Gjithsesi, krijuesit e Beer Bar e kanë marrë pak ngadalë për ta lëshuar këtë produkt. Por fansat e birrës nuk do të duhet të presin gjatë sepse Beer Bar është planifikuar të prek tregjet në fund të vitit 2016 dhe 2017.